Evdə ən çox istifadə edilən mebellərdən biri qonaq otağı mebelləridir. Buna görə də buradakı divan kreslo dəsti, yumşaq mebellər tez tez çirklənir. Əgər divan mebeli yetəri qədər təmiz olmasa, istirahətiniz o qədər də əyləncəli olmayacaq.

Təqdim etdiyimiz üsullar ilə yumşaq divan dəstinizin ilk günkü təmizliyini geri qaytara biləcəksiniz.

1.Vakuum (kiçik əl tozsoranı).  Vakuumdan istifadə edərək divan kreslo üzərindəki çirk və yemək qalıqlarını rahatlıqla təmizləyə bilərsiniz. Vakuum yoxdursa, daimi istifadə etdiyiniz tozsoranın kiçik başlığı ilə də bu təmizliyi etmək olar.

Təmizlik zamanı divan kreslo dəstinin künc hissələrinə diqqət etmək lazımdır. Ev heyvanının tükü, yemək qalıqları və digər çirklər əsasən künc-bucaqda toplaşır. Yastıqları da təmizləyəndə ən azı divandakı qədər diqqətli təmizləmək lazımdır. Çünki toz və çirk daha çox yastıqlara hopur.

2. Təmizləyəcəyiniz parça səthin hansı materialda olduğunu mütləq öncədən təyin etmək lazımdır. Divan mebelinin yumşaq hissəsində olan (sizin divanınızda başqa hissəyə də yapışdırılmış və ya tikilmiş ola bilər) etiketdə parça ilə bağlı təlimatları oxuyun. Etketlərdə əsasən aşağıda göstərilən kodlar olur:

• WS: Kimyəvi tərkibi az olan təmizləyici vasitə ilə buxarlı vacuum və ya quru təmizləyici funskiyası olan yuyucu vasitə istifadə edin.

• S: Yalnız quru təmizləyici funksiyası olan yuyucu vasitə istifadə edin.

• X: Yalnız vacuum istifadə edin (susuz).

• W: Təmizləmək üçün sudan istifadə etmək olar.

3. Ləkələri təmizləyin. Bir divan mebelinin necə təmizlənməli olduğunu bilmək əslində ləkələri necə təmizləmək lazımdır sualı ilə eynidir. Satışda olan təmizləyici vasitələr və ya ev şəraitində hazırladığınız təbii vasitələrdən də istifadə edə bilərsiniz. Evdə hazırlanan vasitələr daha az maliyyə tələb edir və ətraf mühitin ekoloji tarazlığı üçün zərərsiz sayılırlar.

Parçanın növünə görə divan kreslo necə təmizlənməlidir?

• Divanın dəri parçadan ibarət olan səthini təmizləmək. Sprey şüşənin içərisinə 1/2 stəkan zeytun yağı ilə 1/4 stəkan sirkə əlavə edib qarışdırmaq lazımdır. Daha sonra divanın üzərinə bu məhlulu püskürdüb yumşaq parça ilə silmək lazımdır.

• Sintetik üzlüyü təmizləmək. Yenə sprey şüşəsinə 1/2 stəkan sirkə, 1 stəkan ilıq su və 1/2 çay qaşığı qədər maye yuyucu vasitəsi əlavə edib qarışdırdıqdan sonra alınan məhlulu çirkli sahəyə tətbiq etmək lazımdır. Daha sonra yumşaq parça ilə ləkə olan hissəni silmək lazımdır.

4. Son mərhələ isə divan mebelinin qurudulma mərhələsidir. Suyu hopdurması üçün suyu özünə çəkən dəsmaldan istifadə edərək quruma prosesini tezləşdirə bilərsiniz. Divanın tam quruduğuna əmin olmaq lazımdır. Tam qurumayan, az da olsa nəmliyi qalan divan və yastıqlardan qısa zaman sonra rütubət iyi gələcək.

Keçmişin izlərini dövrün keyfiyyəti ilə birləşdirmək əla fikirdir! Bu blogumuzun mövzusu Klassik tərzdə yataq dəstidir. Klassik yataq dəsti təməl olaraq çarpayı, tumba,termo və dolabdan ibarət olmalıdır. Dizayn etdikdə açıq tonlardan istifadə olunması arzuolunandır.Bunlardan əlavə istifadə olunacaq aksesuarlar-xoş günlərinizi xatırladacaq şəkilləri qoyacağınız çərçivə,otağınıza təravət yayacaq güllər üçün güldan klassik üslubda olması xoş görüntü yaradacaqdır. Yataq mebeli seçərkən əsasən rahatlığa və onurğanız üçün probelm yaratmayacaq tərzdə seçimlərə üstünlük verin. Yaxşı yuxu gün içindəki enerjinizin başlıca mənbəyidir, buna görə də yaxşı yataq mebelləri yaxşı və pozitiv gün deməkdir.

Bəzi insanlar yataq dəstləri, qonaq otağı mebelləri seçərkən taxta materialdan detalı çox olan mebellərə üstünlük verirlər.

Mebellərin çirklənməsi qaçınılmaz hadisədir. Taxta materiallı mebel çirklənərsə, onu necə təmizləmək lazımdı?

Təqdim edilən sadə təmizlik sirrləri ilə taxta materiallı mebellərin üzərini parlaqlaşdıra, su və mürəkkəb ləkələrini yox edə bilərsiniz.

Taxta materiallı mebellərin mütəmadi olaraq tozu alınır və parladici maddələrlə üzəri silinir. Amma müəyyən zamandan sonra istifadə edilən kimyəvi vasitələr mebelin üz qatının zədələnməsinə səbəb olur. Tez-tez və səthi olan təmizliyin əvəzinə mebellər vaxtaşırı daha dərindən təmizlənməlidir.

Taxta mebelləri təmizləməyin bir neçə üsulu var. Biz sizə onları təqdim edirik.

Səthi çirkləri təmizləmək üçün öncəliklə mebelin tozu silinməlidir. Daha sonrakı mərhələdə isə taxta üzərindəki ləkələrin təmizlənməsidir. Təmizləyici vasitə olaraq isə kimyəvi qatqısı ən az olanla başlamaq lazımdır. Məsələn, qabları yumaq üçün istifadə edilən yuyucu vasitəni su ilə qarışdırıb mebeli silə bilərsiniz. Lakin silmək üçün istifadə olunan parçanın yumşaq olması da vacibdir. Mebeli silərkən istifadə edilən parça tez-tez yuyulmalıdır. Mebelin bütün taxta səthini təmizləyici vasitə ilə sildikdən sonra təmiz parça ilə qurulamaq lazımdır.

Rəngli mebelləri və ya hansısa ləkə düşmüş taxta mebeli isə aşağıda göstərilən üsullarla təmizləyə bilərsiniz.

Su ləkəsi

Yəqin ki, birbaşa masaya isti çayla dolu olan stəkan qoyduqda yaranan buxar ləkəsini görmüsünüz. Bu buxar taxta masada ləkə olaraq alır. Bəs mebeldəki ləkəni necə təmizləmək lazımdır? Bunun üçün ləkə olan hissəyə diş məcunu vurub həmin ləkə çıxana qədər silmək lazımdır. Daha dərin ləkələr üçün isə diş məcununun üzərinə eyni miqdarda karbonat (soda) əlavə edib nəm parça ilə silmək lazımdır.

Çətin gedən ləkələr

Bir mürəkkəb ləkəsini çıxarmaq üçün 1 yemək qaşığı  karbonatın üzərinə 1 çay qaşığı su su əlavə edib qarışdırmaq lazımdır. Daha sonra bu məcunu ləkənin üzərinə tətbiq edib həmin ləkə çıxana qədər silinməlidir. Daha sonra nəm parça ilə mebelin üzərini təmizləyin.

Mebelinizdəki ləkələri təmizlədikdən sonra onun parlaqlığını geri qaytarmaq üçün limon yağından istifadə edə bilərsiniz. Limon yağını apteklərdən əldə edə bilərsiniz. Yox, əgər tapa bilməsəniz ev şəraitində də parladıcı məhlul hazırlamaq mümkündür. Bunun üçün sizə 1 fincan zeytun yağı ilə yarım su stəkanı ölçüsündə ağ sirkə lazım olacaq.  Yağ və sirkəni yaxşı qarışdırdıqdan sonra bu məhlulu yumşaq parçaya töküb mebelin taxta silin.

Beləliklə evinizdə olan mebellərin taxta materialdan olan hissələrini göstərilən qaydada təmizləyə və parlaqlığını geri qaytara bilərsiniz.

Rənglərin insan psixologiyasına olan təsirlərini az çox bilirik. Ağ rəng məsumluğu, qara rəng nəcibliyi, mavi rəng isə sakitliyi tərənnüm edir. Bəs, rənglərin ev dekorasiyasındakı tərisi barədə düşünmüsünüz? Əgər bu barədə məlumatınız yoxdursa, o zaman bu yazımız sizin üçün çox faydalı olacaq. Məqaləmizdəki tövsiyələri araşdıraraq otağınız üçün mebel seçərkən rənglərin psixologiyanıza təsirini ön plana çəkə və daha düzgün rəng seçimi edə bilərsiniz.

Narıncı rəng

Narıncı enerjinin rəngi olduğu üçün evinizdə enerjini hiss elətdirmək istədiyiniz yerlərdə bu rəngdə olan yumşaq mebellərdən istifadə edə bilərsiniz. Qonaq otağında narıncı rəngdə olan divan kreslo dəsti gələn qonaqların özlərini rahat hiss etmələrinə səbəb olacaq. Lakin narıncı rəngi bütünlüklə yumşaq mebel dəstində istifadə etmək düzgün deyil. Fərqli rənglərlə uyğunlaşdıraraq evinizdə xoş abu hava yarada bilərsiniz. Divanınız narıncı rəngdədirsə, o zaman kreslonu krem rəngində seçərək kontrast yarada bilərsiniz. Beləliklə qonaq otağınız modern tərzə boyanmış olacaq.

Yaşıl rəng

Yaşıl rəng yorğunluğu aradan qaldıran rəng sayılır. Əsasən də göz yorğunluğa olarsa, yaşıl rəngə baxaraq bunu aradan qaldırmaq olur. Qonaq və ya istirahət otağında yaşıl rəngin olması da bu baxımdan mütləqdir. Bağ evlərində yaşıl rəngin olması evə ayrı ab-hava qatır. Belə olanda insan özünü təbiətlə iç-içə hiss edir.

Mavi rəng

Təbiətdə mavi rəngi ya dənizi, ya da səmanı izləyərkən görərik. Səma və dənizi izləmək isə bizə dərin bir rahatlıq bəxş edir. Qonaq otağınızda, istirahət guşənizdə də bu rahatlığı əldə etmək üçün mavi rəngdən istifadə edə bilərsiniz.

Yumşaq mebel seçərkən otağın genişliyi də nəzərə alınmalıdır. Əgər qonaq otağınız geniş və bol işıqlıdırsa, o zaman göy rəngdə olan Avanqard Yumşaq Mebel sizin üçün ən yaxşı seçim ola bilər.

Çəhrayı rəng

Çəhrayə rəng ağ ilə qırmızı rəngdən ibarət olduğu üçün hər iki rəngin xüsusiyyətlərini özündə cəmləyir. Qırmızının enerji və şən ab-havası ilə ağın rahatlıq və məsumluğu çəhrayı rəngdə birləşir. Bu özəlliklərinə görə yumşaq mebel seçərkən çəhrayı rəngə üstünlük verənlər az deyil.

Yemək masası və digər mebellərdə ağ rəngdən istifadə etmisinizsə, o zaman yumşaq mebelin parçasında və ya hansısa aksesuarında (yastıq, örtük) çəhrayı rəngdən istifadə edə bilərsiniz. Çəhrayı rəng ilə həmçinin digər rənglərin açıq tonunu uyğunlaşdıra bilərsiniz. Kasparo Yumşaq Mebel dəstində də olduğu kimi siz də krem və çəhrayı rəngin mükəmməl uyğunluğunu seçimləriniz sırasına əlavə edə bilərsiniz.

Boz rəng

Dekorasiyada son zamanlarda ən çox istifadə edilən rəng boz rəngdir. Modern üslübu tərənnüm edən boz rəng digər rənglər ilə asanlıqla uyğunlaşdırıla bilən bir tona sahibdir. Boz rəngli mebel seçərkən həm də otağın ölçüsü nəzərə alınmalıdır. Əgər otaq kiçikdirsə, o zaman açıq boz rənginə üstünlük vermək otağı daha da geniş göstərəcək. Əgər otaqda ağ rəng üstünlük təşkil edirsə və otaq təbii işıqla aydınlanırsa, Karmen Yumşaq Mebel dəsti sizin üçün ən yaxşı seçim olacaqdır.

Ev dekorasiya trendləri – 2020-ci il

Yeni il yenilik deməkdir. Kimisi bu ildən idmana başlamağı, kimisi yeni nələrsə öyrənməyi hədəfləyib. Kimisi də evini yenidən dizayn etməyi, yeni mebellər almağı planlaşdırır. Bu blog yazımız məhs sizin üçündür. 2020-ci ildə evinizi yenidən dizayn etmək istəyirsiniz və bunun üçün artıq gec olduğunu düşünürsünüzsə, o zaman bu bloq yazısını mütləq oxuyun.

Bu ilin trendi: çox əşyalı otaqlar

İllərdir mebellərdə minimalizm dövrü olsa da, artıq maksimalist dizayn öz sözünü deməyə gəlir. 2020-ci il maksimalizm ili olacaq. Minimalizm kiçik ölçülü evlər üçün ideal trend olsa da, artıq bu ildən etibarən minimalizmlə vidalaşmaq lazımdır.

Söhbət edə biləcəyiniz köşə

2020-ci ildə qonaq otağını necə dizayn etmək lazımdır deyə sual versəniz, cavabımız mütləq belə olacaq: qonaq otağı üçün rahat, komfortlu mebellər seçin! Qonaq otağınız üçün elə mebellər seçin ki, dostlarınızla görüşmək üçün hansısa məkana deyil, məhz elə evinizdə toplaşın.

Eviniz təbiətlə iç-içə olsun

Təbiətdən alınmış parçalarla evinizi canlandırın.  2019-cu ildə olduğu kimi bu il də bitkilər evdə ən təbii aksesuar hesab edilir. Keçən illərdən fərqli olaraq bu ilin trendi bitkilərin hamısını onlara aid bir köşədə yığılmasından yanadır. Evinizdə bitkiləriniz üçün xüsusi yer düzəldin. Həmçinin qeyd etmək istərdik ki, bu il iri yarpaqlı bitkilər daha dəbdədir. 

2020-Cİ İLDƏ EVİNİZİN DİVAR RƏNGLƏRİNİ DƏ YENİLƏYİN

Divarlarda etdiyiniz kiçik dəyişiklik belə evinizin atmosferini anında dəyişə bilər. Maksimalizm divarların dizaynında da öz sözünü deyəcək. Naxışlı, bəzəkli divar dizaynları bu il dəbdədir. Əgər divarda hər hansısa çərçivə olacaqsa, o zaman həmin divarı sadə şəkildə boyamaq və ya sadə naxışları olan divar kağızı seçmək lazımdır ki, qarışıq bir görüntü yaranmasın.

Divarı hər hansısa həndəsi fiqurlardan istifadə edərək boyamaq evinizi rəngləndirməyin yollarından biridir. 2020-ci ilin əsas trendi də məhz həndəsi fiqurlarla boyanmış divarlardır.

Həmçinin 3D divar kağızları ilə də evinizə fərqlilik qata bilərsiniz.

MODA VƏ RAHATLIĞIN HARMONİYASI: MEBEL TRENDLƏRİ

2019-cu ildə olduğu kimi bu ildə qonaq otağında minimal xəttlərlə dizayn edilmiş mebellər əvəzinə tam əksinə iri həcmli mebellər dəbdə olacaq. Qonaq otağınız üçün böyük, rahat mebelləri rahatlıqla seçə bilərsiniz!

2020-Cİ İLDƏ MƏTBƏX MEBELLƏRİ

Evdə ən çox zaman keçirilən yerlərdən biri mətbəxdir və bura nə qədər dəbli, nə qədər funksional dizayn edilsə bir o qədər rahatlıq əldə etmiş olarsınız. 

2020-ci ildə qara tonlarda mebellərlə dizayn edilmiş mətbəxlər daha dəbdə olacaq. Qara rəngli mətbəx mebeli ərazini balaca göstərər deyə düşünürsünüzsə, o zaman əlavə ikinci bir rəngdən də istifadə edə bilərsiniz. Ammam əsas etibarilə bu il mebellərdə qara rəng trenddir.

Həmçinin bu il açıq dolablar trenddir. Qapısı olmayan, açıq dolabların sizin işlərinizi daha da rahatlacağı düşünülür.

Əgər evinizi 2020-ci ilin trendinə uyğun dizayn etmək istəyirsinizsə, o zaman sizi Qardaşlar mebelə dəvət edirik. İlham verən fikirlər və yeniliklər üçün bloqlarımızı izləməyə davam edin.

“Qardaşlar Mebel” Prespektivli iş üçün Prestij Ofis mebelini təqdim edir

Hər bir biznes sahibinin arzusudur ki, istər öz otağında, istərsə də şirkətində çalışan işçilərinin otağında olan mebellər komfortlu olsun. İş mühitindəki gözəl ab-hava, mehriban kollektivlə yanaşı rahat mebel dəsti də mühüm rol oynayır. Kim narahat iş masası ətrafında rahat olmayan kresloda əyləşib çalışa bilər? Təbii ki, heç kəs!

Gardashlar mebel olaraq ofisdə çalışan insanlar üçün müxtəlif çeşidli mebellər təqdim edirik. Bu mebellərimizin materialları Rusiya, Türkiyə və müxtəlif Avropa ölkələri istehsalıdır. Hər biri beynəlxalq standartlara cavab verir və müvafiq olaraq keyfiyyət göstəricisi olan sənədə sahibdir. Rəng seçimini siz dəyərli müştərilərimizin öhdəsinə buraxırıq. Amma bununla yanaşı mağazalarımızda satış təmsilçilərimiz sizə seçiminizdə dəstək ola bilərlər.

Ofis mebeli dəstlərində incə məqamlardan biri masanın geniş olması və kreslonun kürək hissəsinin insanın kürəyinə daha yaxın olmasıdır. Çünki geniş masa və kürəyi kresloda əyləşən insandan uzaq düşməyən kreslolar rahatlığın təminatıdır. Gün ərzində biz saatlarla kompüter qarşısında çalışırıq və diqqətimizi monitora cəmləyəndə bir qədər bədənimizin formasını dəyişməli oluruq. Bu isə müxtəlif əzələ, boyun ağrılarına gətirib çıxara bilir. İşdən ayrılıb fasilə verməyə zaman tapdıqca mütləq kresloda rahat şəkildə əyləşərək əzələlərimizin gərginliyinə fasilə verməliyik. Sözsüz ki, biz bütün bunları düşünərək sizin üçün təqdim etdiyimiz dəstlərdə bunları nəzərə alırıq.

İşçi masasının üzərində stasionar kompüter istifadəçilərinin monitorlarını masanın üzərində bir qədər yuxarı qaldırmaq və insanın ekrana baxış bucağını düz etmək üçün xüsusi dayaq qurğuları da istəkdən asılı olaraq əlavə oluna bilər. 

Rəflər nə qədər bol olarsa bir o qədər də çoxsaylı sənədlərimizi, qovluqlarımızı rahat şəkildə yerləşdirə bilərik. Bu da vacib amillərdən biridir.  Tez-tez insanların işçi masalarında rəflərin az olmasından narazı olduğunu iş mühitində görürük, özümüz də hətda belə narazılıqlar bildiririk. Bunun üçün də mütəxəssilərimiz istəyinizə uyğun olaraq da masalarda siyirtmə sayını təyin edir.
Növbəti yazımızdan xəbərdar olmaq üçün saytımızı izləyin. Hər kəsə uğurlu iş günü arzu edirik!

Yataq yerinin yuxuya təsiri

Rahat yataq mebeli almaq yaxşı istirahətin əsaslarından birini təşkil edir. Lakin bununla kifayətlənmək doğru olmazdı. Yuxudan səhər yorğun halda deyil, gümrah şəkildə oyanmaq üçün yatağın üzərində yerləşən döşək də vacib rol oynayır. Amma yenə də yuxudan doymursunuz və yuxulu olaraq səhərinizi açırsınız? Çox güman ki, səbəb yatağın səhv yerləşməsidir. Yuxunun maksimum təsirli olmasını təmin etmək üçün nələrin edilməsinin vacib olması ilə tanış olaq.

Yataq dəstini qapıya nisbətən yerləşdirmək

Yatağı elə yerləşdirin ki, oradan otağa gələn insanları görə biləsiniz, qapı açılarkən qonşu otaqlardan gələn işığın birbaşa yatağa düşməməsi məsləhət görülür. Qapıya nisbətən quraşdırmanın ən yaxşı yolu - yatağı girişdən ən uzaq küncdə diaqonal olaraq yerləşdirməkdir.

Pəncərəyə nisbətən yerləşdirmək

Yatağı elə yerləşdirmək olar ki, səhər və axşam birbaşa işıq düşməsindən uzaq olsun. Əgər heç bir fürsət yoxdursa və pəncərənin yaxınlığında yerləşdirmək məcburiyyətiniz varsa, o zaman tünd pərdələrlə pəncərəni örtə bilərsiniz.

Divara nisbətən yerləşdirmək

İki nəfərlik yataq mebel dəsti divara yatağın baş tərəfi istiqamətindən qoyulmalıdır. Bu mövqe, hər iki tərəfdən yataq otağına giriş imkanını təmin edəcək, yan tərəfdən yataq ətrafı tumbaların quraşdırılması üçün tərəflərdəki divarlar və kənarları arasında bir məsafə qoyacaqdır. Onların üzərinə işıq lampası, lazım olan aksessuarları qoymaq olar: kitablar, kremlər, eynəklər, telefonlar. Əgər söhbət tək və ya cüt çarpayı yataqdan bəhs edirsə, onun ideal mövqeyi divara yan tərəfdir. Beləliklə, yataq otağına rahatlıq və təhlükəsizlik əlavə etmiş olursunuz.

Modul tipli iş masaları

İşçilərin modul konsturksiyalı mebellərdən istifadəsi iş gördükləri zamanı rahatlıq və xoş əhval-ruhiyyənin təmin edilməsinə səbəb olur. Bu da öz növbəsində gün ərzində işin produktivliyini artırır. Bu üstünlüklərin sayəsində və həmçinin ofis zonalarının səmərəli istifadəsi, istismar xərclərinin optimallaşdırılması nəticəsində mebelin alınması üçün çəkilən xərclər qısa zamanda qarşılanacaq.

Bu məhsullar davamlılığı, güvənli konstruksiyası, geniş funksionallığı, əla görünüşü və tərzi ilə fərqlənir. Onlar öz istəyinizə uyğun olaraq ofis sahəsini modelləşdirməyə imkan yaradır: konfransların, dərslərin, master-klassların keçirilməsi üçün zalları lazım olan şəkildə təchiz etmək mümkündür. Bir və daha çox əməkdaş üçün iş yerlərinin hazırlanması təmin edilir.

İş masalarının dizaynı

Modul iş yeri sistemi ofisinizin dizaynına uyğun olaraq təyin edilə bilər. Modul iş yerləri yaradılması zamanı rənglərin uyğunlaşdırılması, parlaq metal ayaqların istifadəsi, müxtəlif formalı mebelin müasir taxta tutacaqları, ofis ləvazimatları saxlanılması üçün açıq və ya qapalı dolablar kimi məsələlər müzakirə edilə bilər. Bütün bunlar Autocad proqramında ofis modeli yaradılarkən nəzərə alınır və hazırlıq mərhələsi başlamazdan əvvəl dizaynı vizual olaraq qiymətləndirmək imkanı mümkün olur.

Modul iş yerlərinin üstünlüyü nədir?

Hər bir iş məkanın rahatlığı və üstünlüyü olduğu kimi, modul iş yerlərinin də özünəməxsus xüsusiyyətləri var.
Yüksək rahatlıq və asan genişlənmə
Müxtəlif tətbiq imkanları və fərdi uyğunlaşma
Vahid işıqlandırma sayəsində sahədən səmərəli istifadə
Toxuma divar elementləri və hava kanalları sayəsində optimal iş mühiti
Erqonomikanın maksimum yüksək səviyyəsi

İşçinin çalışdığı yer nə qədər rahat olarsa, o bir o qədər də produktiv olacaqdır. İşçiniz əgər özünü narahat hiss edirsə və produktivliyi aşağı düşübsə öncə onun iş masası ilə maraqlanın. Biz isə öz növbəmizdə müxtəlif növ “Modul” iş masaları ilə arzularınızı gerçəkləşdirəcəyik! Təki siz istəyin.

Interyerdə rənglərin sirri haqqında bilirsinizmi?

İnteryerin dizaynı tərzin seçilməsindən başlayır. Lakin rəng çalarları da burada az rol oynamır.  Rəng əhval-ruhiyyənizi formalaşdıran qüvvə hesab olunur və sizin mənzilinizdə nə dərəcədə rahat hiss edəcəyinizə biləvasitə təsir edir. 

Parlaq, pastel rəngli qonaq otağı, yumşaq, canlı portağal-qırmızı rəngli mətbəx və rəngli uşaq otağı - nəhəng rəng palitrası təsəvvürünüzü tam ifadə etməyə və hər otağı özünəməxsus atmosferlə doldurmağa imkan verir. Əsas çətinlik - hər birinin xüsusiyyətlərini nəzərə alaraq ahəngdar və müsbət birləşmələr seçməkdir. Rəng haqqında qərar verərkən bir neçə vacib qaydaya fikir vermək uyğun olar. 

İnteryerdə bir rəng üstünlük təşkil etməlidir

O, üzərində bütün şəklin təsvir olunacağı fon funksiyasını daşıyır.  Əlavə rənglər və kölgələr lazımi ifadəni və həcmi verəcəkdir.

Rəng sxeminin tonunu nəzərə alın

Bütün rənglər soyuq və istiyə bölünür. İsti çalarlar otağın sərhədlərini qarışdırmağa, otağın ölçüsünü vizual olaraq artırmağa, rahatlıq və sakitliyin sevinc hissini yaratmağa imkan verir. Sərin rənglər iş ab-havasına kökləyir, enerji və canlılıqla doldurur, həm də sakitləşməyə və fikirlərinizi cəmləməyə kömək edir. Fərqli rənglərdən istifadə edərək otaqda bir neçə zona yarada bilərsiniz.

Özünüzü rahat hiss etdirən rənglərdən istifadə edin

Qırmızı rəngi sevə bilərsiniz, ancaq qırmızı tonda olan otaq zülmət hissi yaradacaq, çünki bu rəng psixikaya həyəcanverici, qıcıqlandırıcı təsir göstərir. Bir neçə qırmızı aksessuardan istifadə etmək və fon kimi neytral şaftalı, ağ və ya bej seçmək daha yaxşıdır. Hansı rənglərin diqqətinizi cəmləşdirməyə və hansı rəngləri rahatlamağa və narahatlıqlarınızı aradan qaldırmağa kömək etdiyini düşünün.

Rənglərin enerjisini xatırlayın

Rənglər, qoxular kimi, şüuraltına incə bir təsirə malikdir, buna görə hər otaqda düzgün palitraya sahib olduğuna əmin olun. Məsələn, bənövşəyi və narıncı rəng ofisdə və uşaq otağına uyğun olacaq, çünki zehni fəaliyyəti aktivləşdirir və cəmləşməyə kömək edir. Yaşıl sakitləşdirici, mavi rahatlaşdırıcı təsir göstərir və günəşli sarı rəng yaxşı əhval-ruhiyyə verir. Doğru rəng sxemini seçsəniz, eviniz müsbət enerji və sevinc mənbəyinə çevriləcəkdir.

Əgər mətbəxiniz artıq sizə kiçik görünürsə və ya yeni köçdüyünüz evin mətbəxi dardırsa; divarı sökməyə yada daha çətin yolu seçməyə ehtiyac yoxdur. Sadəcə olaraq mətbəx mebelini düzgün seçmək kifayətdir.Mətbəx mebelindən əlavə olaraq düzgün divar rəngi də bu işdə sizə yardım edəcək. Düzgün mətbəx mebeli seçimi üçün Gardashlar Mebelə müraciət edin və istəyinizə uyğun mebelləri sizin üçün hazırlayaq.

Skandinaviya tərzi adından bəlli olduğu kimi rahatlığı sevən ölkələr olan Skandinav ölkələrinin adət-ənənələrinə uyğun bir tərzdir. Sözü gedən ölkələr yer kürəsinin şimalında yerləşir və ən soyuq yaşayış məskənlərindən biridir. Bu səbəbdən də onlar havanın əksinə evlərinin hərarətli və ürəkləri isidən olmasının tərəfdarıdırlar.  

1.Sadəlik;

Bu tərzin bəlli olması üçün sadəlik mütləqdir. Sadəlik dedikdə isə az əşya nəzərdə tutulur. Skandinav tərzin mümkün qədər az əşyalardan istifadə edilməsi ilə minimal və modern tərzə yaxın olduğu deyilir. Lakin digər tərzlərdən fərqli olaraq aksesuar və rəng seçimində əksinə sadəlikdən qaçılmalıdır.

2. İşıqlandırma;

Skandinavya ölkələrində əsasən qış mövsümü hakimdir. Bu səbəbdən də günün bir qismi qaranlıqda keçir. Geniş və aydın otaqlar üçün isə mümkün qədər gün işiığından yararlanmaq lazımdır. Bu tərzində tikilən evlərin böyük pəncərələlə fərqləndiyini görəcəksiniz.Həmin pəncələrdə isə tül və açıq rəngli pərdələrdən istifadə olunduğunu görərsiniz.

3. İstifadə edilən materillar;

Skandinav tərzində istifadə edilən materiallar əsasən təbii ya əl işləməli materiallardır. Parça olaraq isə kətan və pambıq təbii parçalar, bəyaz rəngə yaraşan çiçəklər və çizgilər ilə bu tərz digərlərindən seçilir.  Skandinavya tərzi yaratmağı ideal auranın səbəbi taxta materialdır.

4. Rənglər;

Skandinavya ölkələrində uzun və qaranlıq qış günlər səbəbi ilə aydın otaqlar üçün bəyaz rəng bu tərzin ən “şah damarı”dır. Ümumiyyətlə bu tərzdə bəyaz və açıq rənglərə üstünlük verilir. Aksesuar və mebel seçimində isə sarı, mavi, boz və yaşıl rənglərdən istifadə olunur.

Hər rəngin insana bəxş etdiyi aura fərqlidir. İnteryerdə rəng uyumu gərəklidir. Lakin ilk öncə rənglərin nə cür aurası olduğunu bilməliyik:

• Mavi-dinclik
• Qırmızı-enerji və tutqu
• Sarı-coşqu və məhsuldarlıq
• Yaşıl-uyum,rahatlıq və inam
• Bənövşəyi-ehtişam
• Boz-tarazlıq
• Ağ-əsalət

Əgər siz də standartlardan sıxılıb yeni  və qeyri-adi interyer haqqında fikirləşirsinizsə bir-birinə zidd rənglərin uyumunu sizə məsləhət görürük.

Şirkət işçiləri bir ailədirsə o zaman ofis də evimizdir. İş saatlarının çoxluğunu nəzərə alsaq məhsuldarlığın çox olması üçün düzgün seçim edilməlidir. Düzgün seçim üçün bunlara diqqət edilsə ofisiniz göz oxşayacaq.

1. Erqonomik-insan bədəninin,psixologiyasının masa ilə arasındakı uyum. Yəni işçi masasının həm iş həm də sağlamlıq üçün əlverişli olması
2. Otağın ölçüləri ilə mebelin ölçülərinin düz gəlməsi: Kiçik otaqda böyük ölçülü işçi masası yerləşdirib hərəkətə mane olmaq düzgün fikir deyil.
3. Işçilər arasındakı təmas: İşçi modul masası seçərkən qarşı-qarşıya oturan işçilərin bir-biri ilə asanlıqla təmas edəbilməsini də nəzərə alın
4. Seçdiyiniz mebelin asanlıqla sökülüb yığılması: Ofisinizin dəyişmə ehtimalı varsa, asanlıqla sökülüb yığılabilən mebellər köçürmə zamanı yaşayacağınız problemlərin qarşısını alacaq

Bunlardan əlavə dolablarının çox olmasına diqqət edilməsi sizə xeyir edəcəkdir.

Qonaq otağının ən vacib ünsürü yumşaq mebel və divan kreslo dəstidir. Əgər siz düzgün yumşaq mebel dəsti seçsəniz qonaq otağının dizaynını uğurla tamamlayacaqsınız. Gəlin unutmayaq ki qonaq otağında istifadə olunan yastıqlar həm dekorativ niyyətlə istifadə edilib həm də işlək olmalıdır. Rahat yastıqlar siz oturanda sizi dəstəkləyərkən interyerlə də uyumlu olması otağın görünüşünün tamamlanmasına yardım edəcəkdir.

Qonaq otağınız üçün divan kreslo dəsti seçərkən otağın rəngi, mebelin rahatlığı, mebelin ölçüsü və asan təmizlənəbilməsinə fikir verin. Bəzi mebellərdə parça materialı səbəbi ilə təmizləmə prosesi çətinləşir, buna görə də ev sahibi artıq xərcə girərək qonaq otağı mebelini dəyişməyə üz tutur. Bu kimi halları yaşamamağınız üçün Gardashlar mebelə yaxınlaşaraq mebellə bağlı istənilən sualınıza cavab ala bilərsiniz.

Ofis mebellərinin dayanıqlı olmasından əlavə göz oxşaması da vacibdir. Ofis mebel dəstlərinin içində ən çox diqqət edilməli olunan məqam oturacaqların (divan, kreslo və kürsü) keyfiyyətli materiallardan hazırlanmasıdır. Bundan əlavə otağın və seçilən mebelin harmoniyası da əsas diqqət yetirilməli məqamlardan biridir. İş həyatında önəmli qərarlar verilirki hansı ki bu sizin biznesinizə müsbət və ya mənfi təsir edə bilər. Araşdırmalara görə bu qərarların düzgün olması üçün qərarın verildiyi yerin aurası vacib faktordur.

Nəzərə alsaq ki biznesmenlər evlərindən çox şirkətdə;ofisdə vaxt keçirdirlər o zaman ofis mebeli də evdəki qədər rahat olmalıdır.Bundan başqa düzgün ofis mebeli dayanıqlılıq b axımından sərt taxta və metal detallardan istifadə olunaraq hazırlanmalıdır. Əlavə olaraq işçilərin rahatlığı üçün də işçi masaları həm istifadəyə rahat həm də onların sağlamlığına ziyan verməyəcək şəkildə seçilməlidir. Siz də ofisiniz üçün keyfiyyətli ofis mebelləri, rəhbər və menecer dəstləri, işçi masaları, komputer stolları axtarırsınızsa Gardashlar mebel bu işin ən doğru ünvanıdır.

Qonaq otağı – mənzil sahibinin statusunu müəyyən edən və gələn qonaqlar tərəfindən ən çox müzakirə olunan otaqlarından biridir. Bu otaqda yerləşdirilmiş hər bir aksesuar evə gələn insanların diqqətini cəlb etməyə və rahatlığına hesablanmışdır. Diqqət etsəniz görərsiniz ki, evinizə dəvət etdiyiniz insanlar ən çox divan və masa ətrafında oturarkən evinzin interyer/eksteryerini daha yaxından analiz etməyə başlayırlar.

Qonaq otağı üçün mebel necə seçilməlidir?

Bu ilk başdan zövqə bağlı məsələ olsada, seçim zamanı funksionallıq və ölçülər ciddi rol oynayır. Əgər qonaq otağınız genişdirsə, o zaman ölçülərə uyğun mebel almağa tələsməyin. Kağız və qələm götürərək aşağıdakı sualları yazıb, ona cavablar hazırlayın:

• Ailə üzvlərimin sayı nə qədərdir?
• Evdə doğum günü, kiçik məclislər keçirməyi planlaşdırıram?
• Bu günə kimi evimə maksimum nə qədər adam gəlib?
• Evimdə uşağımın oynamağı üçün kifayət qədər boş sahə qalacaqmı?
• Əvvəlki stulların üzəri nə dərəcədə tez-tez çirklənirdi?

Yuxarıda qeyd olunan suallara cavab tapmaqla yanaşı, verdiyiniz cavablara da diqqət etməyiniz vacibdir. Məhz verdiyiniz cavablar Sizə evinizə neçə və ya hansı növ stullar almağınızla bağlı fikirlərinizi qətiləşdirəcəkdir.

Stulların növləri

Hazırda mebel istehsalçıları müxtəlif modifikasiyalı stullar istehsal edir. Bu stulların bir çoxları insan təxəyyülünün məhsulu olsa da, bəziləri məhz insan davranışlarının analizi nəticəsində hazırlanmışdır.

Stabil stullar. Bu oturacaqların elə hazırlanıb və bərkidilir ki, onların formasını dəyişmək mümkün olmur. Belə oturacaqlar istənilən təzyiqə dözümlü və uzunömürlü olurlar.

Yığılan stullar. Bu kimi stullar adətən yaşayış sahəsi məhdud olan məkanlar üçün nəzərdə tutulur. Bu stulların da özünə görə müxtəlif hərəkətlilik mexanizmi olur.

Yumşaq və yarı-yumşaq stullar. Bu kateqoriyaya daxil olan stulları adətən gözləmə otaqları, məktəblər, hərbi hissələr, konfrans zalları və s. məkanlarda istifadə edirlər. Bu oturacaqların üzərindəki döşək hissəsinin eni və uzunluğu, o cümlədən amartizasiyanı təmin edən prujinin, qupkanın sərtliyi sifarişçinin istəyinə görə dəyişir. Yumşaq və ya yarı-yumşaq oturacaqların üzərinə adətən məxmər və ya velyur parçalardan hazırlanmış üzlüklər vurulur.

Oturacaqların materialları

Bir çox oturacaqlar palıd, armud, fıstıq, qoz ağaclarının qarışıqlarından və ya sırf bir ağac növündən hazırlanır. Yuxarıda adları sadalanan ağaclardan hazırlanan stullar adətən elit sinfə aid olur və özündə barokko, renessans, qotika, ampir tərzlərini birləşdirir.

Qardaş məsləhəti. Əgər evinizdə az yaşlı uşaq varsa, çalışın aldığınız mebelin künc hissələri iti olmasın. Bu onu oyun zamanı təsadüfi zərbələrdən qoruyacaq. Suallarınıza cavab tapdınızsa, o zaman sayta keçid edib zövqünüzə uyğun stulu seçə bilərsiniz.

Komfortu və rahatçılığı sevən təkcə uşaqlar deyil. Seçiminiz zamanı təkcə görünüşə və funksionallığa deyil, təhlükəsizliyə də diqqət etməlisiniz. Bu bloq yazısında Sizlərə uşaq mebeli seçməyin 5 qızıl qaydası ilə bağlı məlumat vermək istərdik.

Uşağınızı analiz edin

Onun oyuncaq seçimi zamanı hansı rəngli oyuncaq və geyimlərə üstünlük verdiyinə diqqət edin. Nəzərə alın ki, uşağınız ilk vaxtlarda gününün çox hissəsini öz otağında keçirəcək. Çalışın seçdiyiniz mebelin rəngi otağın divar rəngləri ilə ahənglik təşkil etsin. Rənglərin bir-birindən kəskin fərqlənməsi uşağın gözünün yorulmasına və ya mənfi auraya köklənməsinə səbəb ola bilər. Uşağınızı kəşf etməkdə çətinlik çəkirsinizsə, o zaman psixoloqla məsləhətləşin.

Yerini dar etməyin

Nəzərə alın ki, uşaqlar çox aktiv və ya hiper aktiv olurlar. Bu məqamı diqqətə alaraq çalışın otaqda həddindən artıq böyük mebel olmasın. Doğru planlaşdırılmış otaqda uşağın əlavə bacarıqlarını kəşf etməyə dəstək olacaq elementlər (qlobus, şahmat, rəsm lövhəsi, basketbol səbəti) yerləşdirin. Unutmayın ki, uşağınızın öyrənmək, əylənmək üçün şəraiti olmalıdır.

Keyfiyyətə üstünlük verin

Uşaq mebeli seçərkən onun materiallarına xüsusi diqqət yetirin. Çalışın alacağınız mebel ekoloji cəhətdən təmiz materiallardan hazırlanmış olsun. Bəzi  istehsalçılar DSP materialından keyfiyyətli mebellər təklif edirlər. Lakin bu materialdan hazırlanan mebel aldıqda, istehsalçıdan sertifikat tələb etməyi unutmayın.

Təhlükəsizlik birincidir

Gözəllik öz yerində amma mebelin təhlükəsizliyinə xüsusi diqqət edin. Diqqətinizi çəkən bir çox mebellər özündə təhlükəli elementləri birləşdirir. Diqqət edin ki, mebelin iti bucaqları olmasın. Qapılarda tənzimləyici mexanizm olmasına diqqət edin ki, uşağın əli qapı arasında qalmasın. Digər bir məqam isə qapı açarları ilə bağlıdır. Çalışın seçdiyiniz mebelin qapısı içəri tərəfdən bağlanan olmasın. Mebel rəflərinin kip yerləşdirilməsinə diqqət edin ki, uşaq hər hansı bir əşyanı götürərkən rəf onun üzərinə aşmasın.

Sizə bir qardaş məsləhəti də verim. Çalışın uşaqlarınızla daha çox vaxt keçirin. Aldığınız mebelin dili olmasa da, emosiyalarınızı onlara doğru şəkildə ötürsün.

Hörmətlə,

Uşaq mebelləri üzrə böyük qardaş

Günümüzün 8-9 saatını ofislərdə keçiririk. İşlərimizi rahatladacaq və ofisimizi daha gözəl hala gətirəcək çox sayda ofis mebelləri mövcuddur. İş həyatımızın verimli və rahat olması üçün ofisə uyğun mebel seçimi etmək qaçınılmazdır. Bəs ofisinizə mebel alarkən hansı addımları düşünmək lazımdır?

Maliyyət

Ofis mebelinin seçimi prossesində ilk öncə ağıla gələn onun maliyyəti olur. Şirkətiniz üçün mebel seçimlərində büdcənizə də qənaət etməyi unutmamalısınız. Ofis mebeli seçimində hər zaman geniş araşdırma edərək büdcənizə uyğun mebellərə üstünlük verməlisiniz. Aldığınız mebellərin isə qarantiyasının olub-olmamasına diqqət edin.

Funksional və rahat olsun

Növbəti addımda düşünməli olduğunuz məqam isə almaq istədiyiniz mebelin funksional olub-olmamasını yoxlamaqdır. Büdcənizə də qənaət etmək üçün funksional ofis mebelləri sizin seçiminiz olmalıdır. Masalarda faylları saxlamaq üçün yer olacaqmı? Sizin vəya işçiləriniz üçün rahatlıq təmin edirmi? Alacağınız mebellər təkcə bir funksiya üçün yox, ən azı 2 funksiya üçün istifadə edilsin. Qısacası, ofisinizdəki mebellər ehtiyyaclarınızı ödəməlidir. Təkərli stullar, bölmələri olan masalar və s. kimi mebellər ofisinizi daha səliqəli göstərəcək.

Ofis ölçülərinizi nəzərə alın

Ofis mebeli seçərkən ofisinizin ölçülərinə uyğun şəkildə seçməlisiniz. Ofisinizə uyğun olmayan böyük mebellər ofisdə sıxlıq yaradacaq. Tıxanmış ofis içərisində isə nə siz nə də işçiləriniz rahat hərəkət edə biləcəksiniz. Buna görə də öncədən ofisin ölçülərini dəqiqləşdirmək və alınan mebelin ofisdə maksimum dərəcədə boşluq yaradacağına əmin olmaq lazımdır. Ofis nə qədər geniş, açıq və hərəkətə uyğun olsa, işçiləriniz o qədər rahat olacaqlar.

Sektorunuza uyğun stildə Olsun

Ofis mebeli seçərkən digər önəmli addımlardan biri də iş sahənizə uyğun bir mebel seçməlisiniz. Əgər seçdiyiniz mebel sizin iş sahənizə uyğun deyilsə, işçiləriniz və siz işləyərkən çoxlu maneələrlə qarşılaşacaqsınız. Bundan əlavə, sektorunuza bağlı olaraq da mebelin forması, rəngi və stili fərqli olmalıdır. Məsələn, bir reklam şirkətinin ofis mebeli vəkil otağına bənzəməməlidir. Daha çox rəngli, kreativ və minimalist olmalıdır.

Ehtiyacları qarşılasın

Ofis mebelləriniz hər bir ehtiyaca cavab verməlidir. Əgər işçiləriniz gün boyunca oturaq vəziyyətdə işləyirlərsə onlar üçün rahat oturacaq və masa təmin edilməlidir. Bu sağlamlıq üçün də önəmlidir. Bu tip mebellərə erqonomik mebellər deyilir. Bu cür mebellər işçiləriniz üçün rahatlıq gətirir. Onların oturuş tərzlərindən tutmuş, bel nahiyələrinə qədər rahatlıq verən stullar olmalıdır. Masa üzərində rahat şəkildə hərəkət etdirilə bilən kompyuter ekran dəstəkləyiciləri, qaldırılıb-endirilə bilən masa formaları və s. Bu tip rahat və estetik mebellər işçilərinizi yormur, sağlamalıqlarını qoruyur və verimliliyi artırır.

Yapon üslubunda interyer yaratmaq üçün aşağıdakı elementlərə diqqət yetirə bilərsiniz:

1. Minimalist mebel: Sadə xətlər, alçaq profilli və neytral rənglərə malik mebellərə üstünlük verilə bilər.

2. Təbii materiallar: Ağac, bambuk və parça kimi təbii materialların istifadəsi Yapon üslubunu dəstəkləyir.

Aşağı yataq platforması: Yataq otağı üçün yerdən az nisbətdə  yüksək olan sadə və minimal yataq platformasına üstünlük verilə bilər.

Yerə qənaət edən mebel: Qatlana bilən masalar, divar blokları və saxlama həlləri kimi praktik və çoxfunksiyalı mebellərə üstünlük verilə bilər.

Shoji pərdələr: Ənənəvi Yapon üslubunda istifadə edilən shoji pərdələr təbii işığın daxil olmasına icazə verərkən gizlilik təmin edir.

Zen üslubunda bəzək əşyaları: Sadəlik, balans və təbiət elementlərini vurğulayan dekorativ obyektlərdən istifadə edilə bilər. Məsələn, bonsai ağacları, daş bağlar və ya zen bağları.

İşıqlandırma: Təbii işıqdan maksimum dərəcədə istifadə etmək və yumşaq, sakit işıqlandırma təmin etmək vacibdir. Təbii işığa uyğun yumşaq rəngli lampalara üstünlük verilə bilər.